Çeburaşka

Sahilboyu kiçik bir şəhərə yağan portağal fırtınası ilə birlikdə göydən qulaqlı və tüklü qəribə bir canlı düşür. Sitrus meyvələrini çox sevən bu hərəkətli varlıq tənha bağban Gennadinin həyətinə gəlib çıxır. Qapalı və deyingən xasiyyətli qoca, yerli varlı qadının bu qəribə heyvanı öz ərköyün nəvəsinə almaq istədiyini bildiyi üçün inadına onu öz evində saxlamağa qərar verir.

Həmin varlı qadın eyni zamanda yerli şirniyyat fabrikinin sahibidir və kiçik şokolad dükanının sirrini öyrənməyə çalışır. Dükanın sahibi isə illərdir atası Gennadi ilə danışmayan və ondan incik düşən qızıdır. Bu balaca heyvanın gəlişi personajların münasibətlərindəki düyünləri tədricən üzə çıxarır.

«Çeburaşka» adlı bu ailəvi komediya filmi 2022-ci ildə Rusiyada çəkilib. Ekran əsərinin rejissoru Dmitriy Dyaçenkodur. Baş rolları Sergey Qarmaş, Olqa Kuzmina, Polina Maksimova və Fyodor Dobronravov canlandırıblar.