Leeuwin

Gənc Rozi ailəsi ilə birlikdə Surinamı tərk edərək Niderlanda köçür. Vətənində asudə vaxtını dostları ilə futbol oynamağa həsr edən qız üçün yeni mühitə uyğunlaşmaq asan olmur. Yeni məktəbdəki sinif yoldaşları gəlmə qıza şübhə ilə yanaşır və onun kollektivə qoşulması çətinləşir.

Vəziyyət Rozinin həyətdə topla etdiyi hərəkətləri nümayiş etdirməsi ilə dəyişir. Onun məharəti həmyaşıdlarının rəğbətini qazanır və o, tezliklə qızlardan ibarət yerli futbol komandasına cəlb olunur. Komandada böyük uğurlar əldə etsə də, Rozini qarşıda güclü rəqabət və çətin mənəvi qərarlar gözləyir.

«Leeuwin» adlı ailəvi idman filmi 2023-cü ildə Niderlandda nümayiş olunub. Ekran əsərinin rejissoru Reymond Qrimberqendir, əsas rolları isə Alissa van Ommeren, Apolloniya Sterks, Manu Cu Kardozo və Nora Dari canlandırıb.