R.A.D.A.R.: Bionik it

Dəniz sahilində yerləşən kiçik bir şəhərdə turist azlığı səbəbindən Debbinin sahib olduğu bar ziyana uğrayır. Qadının oğlu Geyb ailə büdcəsini xilas etmək üçün piratların gizlətdiyi mavi sapfiri tapmaq qərarına gəlir. Metal axtaran cihazı götürən oğlan rəfiqəsi Kayli ilə birlikdə meşəyə yollanır və orada qeyri-adi bir heyvanla rastlaşır. İlk baxışdan adi köpəyi xatırladan bu canlı əslində bionik bacarıqlara sahib xüsusi robotdur.

Robot itin fövqəltəbii gücləri sayəsində uşaqlar çoxdan basdırılmış xəzinəni əldə edirlər. Lakin onların qarşısına yeni bir problem çıxır. Dördayaqlı mexanizmi hazırlayan ixtiraçı öz işini geri qaytarmaq və eyni zamanda qiymətli sapfirə sahiblənmək üçün uşaqların izinə düşür.

«R.A.D.A.R.: Bionik it» adlı macəra filmi 2023-cü ildə rejissor Skott Vendayver tərəfindən ABŞ-da lentə alınıb. Ekran əsərinin əsas rollarında Din Keyn, Ezra Ceyms Lerario, Kerolayn Abrams və Pol Uilson çəkiliblər.