Şokolad fabrikində macəralar

Şokolad fabrikinin çalışqan işçisi cənab Moll xanımı kurorta dincəlməyə gedəndə üç uşağı ilə tək qalır. Evi, Frits və Villi adlı bu dəcəllər dərhal bütün evin nizamını alt-üst edirlər. Sakit keçməli olan istirahət günü gözlənilməz hadisələrlə dolu bir sınağa çevrilir.

Qısa müddət ərzində uşaqlar qonşu uşaqlarla mübahisəyə başlayır, sirkdən uçan iti qaçırır və yerli polislərin diqqətini çəkirlər. Üstəlik cənab Mollun işlədiyi şokolad fabrikində qəza baş verir və ərimiş şirniyyat bütün şəhəri basmaq təhlükəsi yaradır. Ailə birləşərək həm şəhəri, həm də həmin uçan iti xilas etməyə çalışır.

«Papa Moll» ailəvi macəra filmi 2017-ci ildə Almaniya və İsveçrənin birgə istehsalı ilə ərsəyə gətirilib. Ekran əsərinin quruluşçu rejissoru Manuel Flurin Hendridir, baş rollarda isə Ştefan Kurt, Maksvel Mer və İven Hess çəkiliblər.