Pişik və it

Hava limanında baş verən gözlənilməz qarışıqlıq iki ev heyvanının sahiblərindən ayrı düşməsinə səbəb olur. Təbiətcə bir-biri ilə yola getməyən pişik və it birdən-birə tək qalırlar. Əvvəlki rahat həyatlarına qayıtmaq üçün bu əzəli rəqiblər aralarındakı narazılığı unudaraq birlikdə hərəkət etmək məcburiyyətindədirlər.

İtkin düşən heyvanları axtarmaq üçün onların sahibləri də hərəkətə keçir. Bu insanlardan biri sosial şəbəkələrdə tanınan məşhur sima, digəri isə peşəkar oğrudur. Hər iki fərqli şəxs sevimli canlılarını geri qaytarmaq məqsədilə qüvvələrini birləşdirərək ortaq axtarışa başlayır.

"Pişik və it" (Chien et chat) adlı ailəvi macəra komediyasının rejissoru həm də baş rollardan birini canlandıran Rem Kerisidir. Ekran əsərində digər əsas obrazları Frank Dübosk, Filipp Laşo və İnes Req ifa ediblər. Fransa və Kanada istehsalı olan bu film 2024-cü ildə təqdim edilib.