Quldur qızı Ronya

Nəhəng meşənin ortasındakı sıldırım qayalıqda Mattisin başçılıq etdiyi quldur dəstəsinin sığınacağı olan möhkəm qala ucalırdı. Qorxunc bir tufan gecəsi qayaya düşən ildırım həm qalanı, həm də soyğunçuları iki yerə parçaladı. Elə həmin gecə Mattisin bir qızı, ayrılan ikinci dəstənin rəhbəri Borkanin isə bir oğlu dünyaya gəldi.

İki qrup arasında illərlə davam edən nifrətə baxmayaraq, böyüyən uşaqlar qaladan kənara, təhlükəli meşəyə addım atdılar. Onları qəribə canlılar və çətin sınaqlar gözləyirdi. Valideynlərinin ədavətinə rəğmən, meşə səyahəti zamanı aralarında yaranan səmimi dostluq və sevgi iki düşmən tərəf arasındakı divarları aşmağa başladı.

İsveç və Norveç istehsalı olan «Ronja Rövardotter» macəra filmi 1984-cü ildə rejissor Tage Danielsson tərəfindən ekranlaşdırılıb. Astrid Lindqrenin əsəri əsasında çəkilən ekran əsərində baş rolları Hanna Zetterberg, Dan Håfström, Börje Ahlstedt və Lena Nyman canlandırıblar.