Zip və Zap Kapitan adasında

Milad bayramı ərəfəsində etdikləri növbəti dəcəllik Zip və Zap qardaşları üçün cəza ilə nəticələnir. Tətildə dincəlmək əvəzinə, onlar valideynləri ilə birlikdə uzaq bir adaya iş səfərinə yollanmalı olurlar. Lakin güclü fırtına bütün planları pozur və ailə qəribə xasiyyətli miss Pamın yetim uşaqlar üçün sərbəst mühit yaratdığı böyük malikanəsində sığınacaq tapır.

Bir gecə qardaşların valideynləri qəfil və izsiz şəkildə yoxa çıxır. Zip və Zap yeni tanış olduqları uşaqlarla birləşərək axtarışa başlayır və adanın gizli sirlərini üzə çıxarırlar. Çox keçmədən bəlli olur ki, bu qəribə yerin sakinlərinin gizlətdiyi sirlər birbaşa onların ailəsinin itkin düşməsi ilə bağlıdır.

İspaniya istehsalı olan macəra filmi «Zip və Zap Kapitan adasında» rejissor Oskar Santos tərəfindən çəkilib. 2016-cı ildə ekranlara çıxan ekran əsərində baş rolları Yelena Anaya, Teo Planell, Toni Qomes və İria Kastelyano canlandırıblar.