Yarımçıq qalmış həyat

Yeganə oğlunun vəfatından sonra Eynar Cilkinson xarici aləmlə bütün əlaqələrini kəsib. İllərdir kədər içində yaşayan qoca rançosunu baxımsız qoyub, ailəsini isə itirib. Onun həyatda qayğısına qaldığı yeganə şəxs vaxtilə qrizli ayısının hücumundan ağır xəsarət almış dostu və işçisi Mitçdir.

Eynar ömrünün qalan hissəsini tənhalıqda başa vurmağı planlaşdırsa da, onun yanına gəlini Cin gəlir. Oğlu üçün illərdir məhz Cini günahkar bilən Eynar gözlənilməz sınaqla üzləşir. Müflis olan və problemlərdən qaçan gənc qadın özü ilə birlikdə Qriff adlı qızcığazı da gətirir və onun Eynarın nəvəsi olduğunu söyləyir.

2004-cü ildə ekranlara çıxan «An Unfinished Life» dram filminin rejissoru Lasse Hallströmdür. ABŞ və Almaniya birgə istehsalı olan bu layihədə baş rolları Robert Redford, Cennifer Lopez, Morqan Friman və Coş Lukas canlandırıblar.