Möcüzəli burun

Şahzadə Diana uşaqlıqdan tanıdığı, lakin demək olar ki, heç vaxt yaxından ünsiyyətdə olmadığı şahzadə Filip ilə evlənməyə hazırlaşır. Atası bu evliliyin qızına etibarlı bir həyat bəxş edəcəyinə inansa da, Diananın özü gələcək həyat yoldaşının səmimi sevgisinə şübhə ilə yanaşır.

Filipin gəlişi ərəfəsində yarmarkaya gedən gənc şahzadə orada gələcəyi göstərən sehirli bir iksir təklif edən qəribə bir sehrbazla qarşılaşır. Qəsrə qayıtdıqdan sonra Diana üzündə nəhəng bir burnun peyda olduğunu görür və xarici görkəminin tamamilə dəyişdiyini anlayır. Çarəsiz qalan qız adi bir kəndli libası geyinərək sehrbazı tapmaq üçün sarayı tərk edir və bu axtarışlar onu kral Lüdovit, qızı Adela və qeyri-adi ana kraliçanın sarayına aparır.

«Zázračný nos» filmi 2016-cı ildə Çexiya və Slovakiya kinematoqrafçıları tərəfindən ekranlaşdırılıb. Nağıl janrında olan bu ekran əsərinin quruluşçu rejissoru Stanislav Parnitskidir. Əsas obrazları Kristina Kanatova, Anna Yavorkova, İvan Romançik və Yan Dobrik canlandırıb.