Life, Animated

Ouen erkən yaşlarında fərasətli və diribaş bir uşaq olsa da, üç yaşında gözlənilmədən danışmaq qabiliyyətini itirdi. O, hisslərini ifadə etməyi və ətrafdakılarla ünsiyyət qurmağı dayandırdı. Həkimlər çaşqın qalan valideynlərə oğullarının reqressiv autizmdən əziyyət çəkdiyini bildirdilər.

Ailə ümidini itirmək üzrə ikən, ata Ron oğlu ilə təmas qurmağın gözlənilməz bir yolunu kəşf etdi. «Disney» studiyasının klassik cizgi filmləri uşaqla əlaqə vasitəsinə çevrildi. Nağıl qəhrəmanlarının köməyi ilə Ouen yenidən real dünyaya qayıtmağa və insanlarla danışmağa başladı.

«Life, Animated» adlı sənədli filmin rejissoru Rocer Ross Vilyamsdır. 2016-cı ildə ABŞ-da istehsal edilmiş ekran işində Ouen Saskind, valideynləri Ron və Korneliya, eləcə də qardaşı Uolter Saskind yer alıblar.