Fillər mənim dostlarımdır

Avtomobil qəzası nəticəsində balaca Racu təkbaşına cəngəlliyin ortasında qalır. Ölüm təhlükəsi ilə üz-üzə gələn uşağı Ramu adlı fil xilas edir və onların arasında möhkəm bağ yaranır. Zamanla ailənin həyətində Ramu ilə yanaşı daha üç fil məskən salır.

Racunun ailəsi müflis olduqda və borclar səbəbindən bütün var-dövlətini itirdikdə belə, fillər onların yanında qalmağa davam edir. İllər ötüb həyat yenidən qaydasına düşəndə isə sadiq fil bu dəfə Racunun öz körpəsinin qayğısına qalır.

1971-ci ildə Hindistanda istehsal olunmuş «Haathi Mere Saathi» filminin rejissoru M.A. Thiramuqamdır. Ailəvi dram janrındakı bu musiqili ekran əsərində əsas rolları Raceş Khanna, Tanuca, Devid Abraham və Sucit Kumar canlandırıb.