Zolushka

Anasının vəfatından sonra gənc Ella atasının ikinci evliliyi ilə barışmalı olur. Çox keçmədən qız evdə amansız ögey ana ledi Tremeyn və onun qızları Anastasiya və Drizella ilə tək qalır. Doğma evində qulluqçuya çevrilən gənc qız daima soba külünə bulaşdığı üçün ögey bacıları ona Zolushka ləqəbini qoyurlar.

Bütün çətinliklərə baxmayaraq, qəhrəman nikbinliyini qoruyur və yaxşı günlərin gələcəyinə inanır. Meşə cığırında rastlaşdığı nəcib gənc onun qəlbində xoş hisslər oyadır. Ella bu gəncin əslində şahzadə olduğunu və tezliklə Xeyirxah Pərinin onun taleyini dəyişəcəyini ağlına belə gətirmir.

2015-ci ildə ekranlara çıxan «Zolushka» filmini rejissor Kennet Brana çəkib. Ekran əsəri ABŞ, Böyük Britaniya, Kanada, İtaliya və Danimarkanın birgə istehsalıdır. Əsas rolları Lili Ceyms, Keyt Blanşett, Riçard Madden və Helena Bonem Karter canlandırıblar.