Milad ulduzu

Sadə müəllim Vatslav hər axşam şahzadənin donmuş gölün üzərində buz üstündə sürüşməsini heyranlıqla seyr edir, lakin qəlbindəki bu hissin əsl məhəbbət olduğunu hələ tam anlamır. Bir gün onun evinə qəfil səma sakini düşür. Parlaq Siriusun nişanlısı olan Deniçka adlı ulduz qısqanc Proksimanın hiyləsi ucbatından yerə yuvarlanıb. Yer üzündə ulduzların işığı getdikcə sönməyə başlayır və onları yalnız təmiz, təmənnasız sevgi xilas edə bilər.

Vatslavın şahzadəyə qarşı bəslədiyi səmimi hisslərdən xəbərdar olan Deniçka, həm bu iki gəncə kömək etmək, həm də özünü xilas etmək qərarına gəlir. Lakin Siriusun yanında parlamağı qarşısına məqsəd qoyan Proksima təslim olmaq fikrində deyil və öz planını tamamlamaq üçün hər şeyə hazırdır.

«Milad ulduzu» (O vánoční hvězdě) adlı bu nağılvari film Çexiya, Almaniya və Slovakiya kinematoqrafçılarının birgə işidir və 2020-ci ildə işıq üzü görüb. Ekran əsərinin rejissoru Karel Yanakdır, əsas obrazları isə Tereza Ramba, Voytex Kotek, Leoni Bril və Anna Qayslerova canlandırıb.