Descendants 3

Keçmiş bədheybətlərin övladları olan Mel, İvi, Karlos və Cey yenidən İtirilmişlər Adasına yollanırlar. Bir zamanlar özlərinin böyüdüyü və valideynlərinin şər əməllərini davam etdirməyə hazırlaşdıqları bu məkana onlar xilaskar kimi qayıdırlar. Baş qəhrəmanların əsas məqsədi digər uşaqlara da daha firavan və təhlükəsiz həyat üçün şans yaratmaqdır.

Lakin bu addım Auradon krallığının təhlükəsizlik baryerində yaranan çat səbəbindən hər kəsin dinc yaşamını təhlükə altına salır. Dostlar ətrafa yayılan naməlum qaranlıq qüvvə ilə üzləşərək sərhədləri qorumaq üçün yollar axtarmağa məcbur qalırlar.

ABŞ və Kanada istehsalı olan «Descendants 3» musiqili macəra filmi 2019-cu ildə təqdim edilib. Descendants franşizasının bu layihəsinə rejissor Kenni Orteqa rəhbərlik edib, baş rolları isə Dav Kameron, Kemeron Boys, Sofiya Karson və Bubu Styuart canlandırıblar.