Çirkin taksa

Fran Harrisonun çempion taksası Danke bala gözləyir və qadın bu balalardan birinin də gələcəkdə qalib olacağına ümid bəsləyir. Lakin baytarlıq klinikasında ərini dilə tuturlar və Cim anası tərəfindən atılmış kiçik Danimarka doqu balasını da südlə bəslənməsi üçün evə gətirir. Nəticədə ər bu nəhəng it balasını həmişəlik ailədə saxlamaq qərarına gəlir.

Brutus adlı bu doq böyüdükcə özünü balaca taksa zənn etməyə başlayır, lakin iri cüssəsi üzündən qucaq iti kimi davranmaqda çətinlik çəkir. Franın iti hər dəfə ələ salması Cimi hərəkətə keçirir. O, bu doqun eybəcər bir taksadan daha artığına qadir olduğunu hər kəsə sübut etmək üçün xüsusi plan qurur.

1966-cı ildə ABŞ-da istehsal olunmuş «The Ugly Dachshund» filmi ailəvi komediya janrındadır. Ekran əsərinin quruluşçu rejissoru Norman Tokar olub, baş rolları isə Din Cons, Süzann Pleşett, Çarlz Raqqlz və Kelli Tordsən canlandırıb.