Gözəgörünməz Syu

Genetik laboratoriyada baş verən partlayışdan sonra Syu adlı gənc qız qeyri-adi bir bacarıq qazanaraq gözəgörünməz olmağa başlayır. Həmin laboratoriyada çalışan anası isə xəstəlikləri müalicə etmək üçün xüsusi məhlul üzərində tədqiqatlar aparırdı. Qısa müddət sonra qızın anası qəfil yoxa çıxır.

Syu bu sirli hadisənin arxasında gizlənən məqsədləri üzə çıxarmaq üçün hərəkətə keçir. O, yoldaşları ilə güclərini birləşdirir, yeni bacarığından və dostlarının bacarıqlarından istifadə edərək anasını azad etmək, eləcə də qurulan tələni ifşa etmək üçün mübarizə aparır.

Almaniya və Lüksemburq istehsalı olan «Invisible Sue» macəra filminin rejissoru Markus Ditrixdir. 2018-ci il ekran əsərində əsas rolları Rubi M. Lixtenberq, Lui Ekhardt, Anna Şirin Habedank və Viktoriya Mayer canlandırıb.