Fransızın oğlu

Doqquz yaşlı Bencamen anasını itirdikdən sonra Braziliyada qızıl axtaran atasını tapmaq qərarına gəlir. Uşaq bu uzaq səyahətə tək çıxa bilməz, ona görə də ona kömək edəcək böyüklərə ehtiyac duyur.

Ona bu yolda iki nənəsi, Anna və Süzanna yoldaşlıq edir. Bir-biri ilə yola getməyən və qarşılıqlı narazılıqları olan bu iki qadın hər şeyə rəğmən nəvələrini tək buraxmaq istəmir və okeanın o tayına yola düşürlər. Qarşıda onları fərqli çətinliklərlə dolu bir macəra gözləyir.

«Le fils du Français» ailəvi macəra komediyası 1999-cu ildə Fransada lentə alınıb. Filmin rejissoru Jerar Lozyedir, əsas rolları isə Jozian Balasko, Fanni Ardan, Tyerri Fremon və Devid-Aleksandr Parkiye canlandırıb.