Möcüzə

On yaşlı Avqust Pulman həmyaşıdları kimi kompüter oyunlarını sevir, «Ulduz döyüşləri» kainatının pərəstişkarıdır və dostlarının ad günlərinə getməkdən zövq alır. Lakin o, digər uşaqlardan xeyli fərqlənir. Anadangəlmə genetik qüsur səbəbindən Avqustun üz quruluşu deformasiyaya uğrayıb və o, artıq iyirmi yeddi əməliyyat keçirib.

Oqqi əvvəllər heç vaxt adi məktəbə getməyib, çünki birinci sinifdən etibarən dərsləri ilə evdə anası məşğul olub. İndi isə ailəni mühüm bir mərhələ gözləyir. Qəhrəman ilk dəfə ictimai məktəbə qədəm qoyaraq digər şagirdlərin arasına qatılmağa hazırlaşır.

«Möcüzə» ailəvi dram filminin rejissoru Stiven Çboskidir. Baş rolları Ceykob Trembley, Culiya Roberts, Ouen Vilson və İzabela Vidoviç canlandırıblar. ABŞ, Kanada və Honkonqun birgə istehsalı olan bu ekran əsəri 2017-ci ildə işıq üzü görüb.