Əzizim, mən uşaqları kiçiltdim

Professor Zalinski əşyaların ölçüsünü kiçiltmək qabiliyyətinə malik elektromaqnit cihazı hazırlayır. Qurğu gözlənilmədən işə düşdüyü vaxt alimin övladları onun təsir dairəsinə düşərək zərrə boyda olurlar. Baş verənlərdən xəbəri olmayan ata isə təsadüf nəticəsində kiçilmiş uşaqları zibil qutusuna atır.

Adi zibil tullantıları arasında qalan qəhrəmanlar üçün ətraf aləm tamamilə fərqli şəkil alır. Həyətdəki sadə otluq keçilməz meşəyə, xırda həşəratlar isə təhlükəli varlıqlara çevrilir və uşaqlar evə qayıtmaq üçün arxa bağçadan keçməli olurlar.

«Honey, I Shrunk the Kids» macəra filminin rejissoru Co Constondur. ABŞ və Meksika istehsalı olan bu fantastik komediya 1989-cu ildə buraxılıb, baş rollarda Rik Morenis, Mett Früer, Marşa Stressmen və Kristin Sazerlend çəkiliblər.