Lava

Amar və Rinku bir-birini sevir və ailə qurmağa hazırlaşırlar. Amarın anası isə oğlunun su ilə bağlı bir qəzada öləcəyi barədə qədim kəhanətə inanır. Bu səbəbdən qadın gələcək gəlindən Amarı sudan qorumağı xahiş edir.

Bir müddət sonra gənc müəmmalı bir hadisə nəticəsində şəlaləyə düşür və hər kəs onun həlak olduğunu zənn edir. Möcüzə nəticəsində sağ qalan Amar yarım il sonra evinə dönür. Lakin o, sevdiyi qadının artıq başqa bir kişi ilə evləndiyini görür.

Hindistan istehsalı olan «Lava» filmi 1985-ci ildə nümayiş olunub. Ailə dramının rejissoru Ravindra Pipatdır, baş rolları isə Kulbhuşan Kharbanda, Rac Babbar, Dimpl Kapadia və Sudhir canlandırıblar.