Anasız 10 gün

Karlo bütün vaxtını işə həsr edir və ev qayğılarından tamamilə uzaq qalır. Üç uşağın tərbiyəsi və məişət problemləri isə uzun illərdir evdar qadın kimi fəaliyyət göstərən həyat yoldaşı Culiyanın üzərindədir. Növbəti ezamiyyətdən qayıdan Karlo arvadının gözlənilməz qərarı ilə üz-üzə gəlir: yorğun düşən Culiya təkbaşına istirahətə yollanır.

«10 giorni senza mamma» adlı ailə komediyasında ata on gün ərzində müxtəlif yaşda olan üç övladı ilə tək qalmalı olur. Ev idarəçiliyinə bələd olmayan Karlo üçün uşaqlara baxmaq günün iyirmi dörd saatını işdə keçirməkdən daha çətin bir sınağa çevrilir.

2019-cu il istehsalı olan İtaliya filminin rejissoru Alessandro Cenovezidir. Əsas rolları Valentina Lodovini, Antonio Katanya, Alessandro Cenovezi və Valentina Çenni ifa edirlər.