Hawaa Hawaai

Atasının vəfatından sonra balaca Arcun ailəsi ilə birlikdə kənddən Mumbaya köçməli olur. Doğmalarına dayaq olmaq istəyən oğlan küçə çayxanasında işləməyə başlayır. Axşamlar o, varlı uşaqların məşqçi Aniketin rəhbərliyi altında rolik sürdüyünü maraqla izləyir. Bu idman növünə böyük həvəs göstərən Arcun özü də sürüşməyi arzulayır, lakin bahalı ləvazimat almağa ailənin imkanı çatmır.

Kasıb məhəllələrdəki dostları Arcunun arzusunu gerçəkləşdirmək üçün tullantılardan və köhnə detallardan ona əldəqayırma rolik düzəldirlər. Məşqçi Aniket isə oğlanın əzmini və təbii fitri istedadını görərək onu təmənnasız şəkildə öyrətməyə qərar verir.

2014-cü ildə Hindistanda istehsal olunmuş «Hawaa Hawaai» filminin rejissoru Amol Quptedir. Ailəvi idman dramında rolları Sancay Tripati, Buqs Bharqava, Sancay Dadiç və Makarand Deşpande canlandırıblar.