İdeal oyuncaq

Balaca Keysi İv adlı çox qeyri-adi bir gəlinciyin sahibinə çevrilir. Bu oyuncaq xarici görünüşü, boyu, saçları və siması ilə əsl modelə bənzəyir və insandan demək olar ki, seçilmir. Qızcığaz məhz belə bir rəfiqənin xəyalı ilə yaşayırdı.

Lakin hadisələr gözlənilməz bir istiqamət alır və uşağın təsəvvürünə belə gətirmədiyi bir möcüzə baş verir. Gəlincik qəfil canlanır və gerçək bir insana çevrilir. Keysi artıq canlanmış sevimli oyuncağı ilə real dünyada ünsiyyət qurmaq məcburiyyətində qalır.

ABŞ istehsalı olan «İdeal oyuncaq» («Life-Size») adlı ailəvi fantastik komediya filmi 2000-ci ildə ekranlara çıxıb. Ekran əsərinin quruluşçu rejissoru Mark Rosmandır. Əsas rolları Stefani Mur, Ali Loxan, Di Cey Cekson və Lori Merdok ifa edirlər.