Kubok

Gənc badmintonçu Kannan bir gün Hindistanı Olimpiya Oyunlarında təmsil etmək arzusu ilə yaşayır və bütün vaxtını məşqlərə sərf edir. Onun ən yaxın dostu Biniş isə əksinə, gələcəyi barədə düşünmür və günlərini heç bir məqsəd olmadan keçirir.

Kannanın qarşısına qoyduğu hədəfə doğru addımlaması dostunun da həyatına təsir göstərir. Yoldaşının əzmini görən Biniş tədricən dəyişir, məsuliyyət qazanır və zəhmətkeş bir gəncə çevrilir. İdukki bölgəsindəki Velli Tuval kəndinin sakinləri də bu yolda idmançıya dəstək olaraq onun uğurunun bir parçasına çevrilirlər.

2024-cü il istehsalı olan Hindistan filmi «Kubok» ailəvi və idman dramı janrındadır. Ekran işinin quruluşçu rejissoru Sancu V. Samueldir. Əsas rolları Siddik, Metyu Tomas, Althaf Manaf və Şivani Saya canlandırıblar.