Ustalar kitabı

Qədim kəhanət gerçəkləşmək üzrədir və qüllədə həbs edilmiş Daş Şahzadə azadlığa çıxmağa hazırlaşır. Sehrli qüvvələrindən istifadə edən bu qəddar sehrbaz bütün dünyanı idarə etmək niyyətindədir. İnsanların taleyi isə təsadüfən İvan adlı gəncin əllərinə düşür.

İvan ya Şahzadəyə sonsuz sehrli güc verib onu yer üzünün hökmdarı etməli, ya da sevgilisi Katyanı xilas etmək üçün ona qarşı mübarizə aparmalıdır. Bu yolda gənci təhlükəli sınaqlar, həmçinin Baba Yaqa, Ölümsüz Koşey və Su pərisi kimi nağıl qəhrəmanları ilə qarşılaşmalar gözləyir.

«Ustalar kitabı» adlı Rusiya istehsalı olan ailəvi fentezi filmi 2009-cu ildə rejissor Vadim Sokolovski tərəfindən çəkilib. Əsas rollarda Yekaterina Vilkova, Mariya Andreyeva, Aleksandr Lenkov və Oleq Kots çıxış edirlər.