Zolushka əhvalatı

Yuxarı sinif şagirdi Sem Prinston Universitetinə daxil olmaq arzusundadır, lakin evdəki vəziyyəti olduqca ağırdır. Qız ona ailə üzvü kimi deyil, xidmətçi kimi yanaşan eqoist ögey anası Fiona və acıdil bacılarının tapşırıqlarını yerinə yetirməyə məcburdur. Onun boz həyatı internetdə tanış olduğu sirli gənclə yazışmalar sayəsində rəngarəngləşir.

Məktəb tədbirindəki ilk görüşdə həmin virtual həmsöhbətin məktəb futbol komandasının aparıcı oyunçusu Ostin olduğu üzə çıxır. Həqiqətin bilinməsindən və rədd edilməkdən çəkinən Sem gecə yarısı zaldan qaçır və tələsikdə mobil telefonunu orada unudur. Ostin telefonun sahibini tapmağa çalışsa da, qız onun cəhdlərinə mane olmağa çalışır.

Romantik komediya janrında olan «Zolushka əhvalatı» (A Cinderella Story) filmi rejissor Mark Rosman tərəfindən lentə alınıb. ABŞ və Kanada istehsalı olan ekran əsəri 2004-cü ildə işıq üzü görüb və eyniadlı franşizaya start verib. Rolları Conatan Slavin, Den Berd, Keli Mörfi və Recina Kinq canlandırıblar.