Üçlük

Frantsi, Mari və Kim adlı üç rəfiqə Piter Pen haqqında tamaşanın məşqlərində iştirak edirlər. Hazırlıqlar illər əvvəl yanğından zərər görmüş köhnə teatr binasında aparılır. Tezliklə teatrın divarları arasında hazırlıq prosesini pozan qəribə hadisələr baş verməyə başlayır.

Naməlum şəxs qarderoba girərək kostyumları oğurlayır və divarlarda qorxulu yazılar qoyur. Nə baş verdiyini aydınlaşdırmaq üçün qızlar pəri və itkin oğlan rollarından uzaqlaşmalı olurlar. Onlar detektiv qismində çıxış edərək teatrda baş verən bu sirli hadisəni araşdırmağa qərar verirlər.

«Die Drei !!!» adlı ailəvi macəra filmi 2019-cu ildə Almaniyada çəkilib. Ekran əsərinin quruluşçu rejissoru Vivian Andereqqendir. Əsas rolları Lilli Mari Laxer, Aleksandra Petşmann, Paula Rentsler və Yurqen Fogel canlandırıblar.