Şahzadə və dilənçi: Müasir hekayə

On üç yaşlı məşhur kino ulduzu Eddi Tudor hamının sevgisini qazansa da, dözülməz və təkəbbürlü xarakteri ilə seçilir. Tale təkidi ilə o, aktyor olmaq arzusunda olan yetim Tom Kenti ilə qarşılaşır. Bir-birinə iki damla su kimi bənzəyən bu iki yeniyetmənin qəfil görüşü ağlasığmaz bir planın yaranmasına səbəb olur.

Uşaqlar bir müddətlik yerlərini dəyişmək qərarına gəlirlər. Eddi sadə paltarlar geyinərək Palm-Biç küçələrində dolaşmağa yollanır, Tom isə heç gözləmədiyi halda kino çəkilişlərinin və şöhrətli həyatın mərkəzinə düşür.

«A Modern Twain Story: The Prince and the Pauper» filmi 2007-ci ildə ABŞ-da istehsal olunub. Rejissoru Ceyms Kvattroçi olan ailəvi komediyada baş rolları Koul Sprous, Dilan Sprous, Key Panabeyker və Vinsent Spano canlandırıblar.