Palma 2

Böyük aviasiyanı tərk edən təyyarəçi Vyaçeslav Lazarev ailəsi ilə birlikdə ucqar bir yerə köçür. O, burada kiçik vintli AN-2 təyyarəsini idarə etməyə başlayır. Günlərin birində pilotun oğlu Kolya balaca bir ayı balası tapır, ona Mansur adını verir və heyvan tezliklə onların həyatının bir parçasına çevrilir.

Lakin yerli brakonyerlər balaca ayını qaçırırlar. Mansurun köməyinə sadiq çoban iti Palma çatır və hər iki heyvan meşənin dərinliklərində tək qalır. Yırtıcı heyvanlar və ovçularla dolu bu məkandan sağ çıxıb evə qayıtmaq üçün onlar təhlükəli yol qət etməlidirlər. Bu vaxt dördayaqlı dostlarının axtarışına çıxan Lazarevlər ailəsi birliyin nə qədər önəmli olduğunu yenidən xatırlayır.

«Palma 2» ailəvi dram filminin rejissoru Vladimir Kondaurovdur. 2024-cü ildə Rusiyada istehsal olunmuş ekran əsərində baş rolları Viktor Dobronravov, Leonid Basov, Vladimir İlyin və Yevgeniya Dmitriyeva canlandırıblar.