Ein Sommer in Sommerby

On iki yaşlı Marta və onun kiçik qardaşları Mikkel ilə Matsın İtaliyaya planlaşdırdıqları tətil gözlənilmədən təxirə düşür. Analarının Nyu-Yorkda qəzaya düşüb xəstəxanaya yerləşdirilməsi səbəbindən ata təcili şəkildə ABŞ-a yollanmalı olur. Çıxılmaz vəziyyətdə qalan uşaqları Almaniyanın şimalına, indiyədək heç vaxt üzünü görmədikləri nənələri İnqenin yanına göndərirlər.

Qohumlarının evi onları heç də xoş qarşılamır: qoca nənə nəvələrinin qarşısına əlində pnevmatik tüfənglə çıxır. Kənd kənarında tənha ömür sürən İnqenin evində nə telefon rabitəsi, nə də internet var. Beləliklə, şəhər həyatına öyrəşmiş bacı və qardaşlar tamamilə fərqli bir mühitdə yaşamaq məcburiyyətində qalırlar.

Almaniya istehsalı olan macəra və ailə dramı janrındakı «Ein Sommer in Sommerby» filminin rejissoru Mara Eybl-Eybesfeldtdir. 2025-ci il ekran işində əsas rolları Nadine Muller, Samuel Muller, Konstantin Riesen və Helene Salame canlandırıblar.