Sehrli göl

Psixiatr Cek Blek bütün diqqətini insan şüurunun sirlərini anlamağa yönəldib. İşinə həddən artıq bağlı olduğuna görə o, diqqət axtaran övladları Coşua və Eşliyə demək olar ki, vaxt ayırmır. Ailənin mənzərəli göl kənarına dincəlməyə yollanması da vəziyyəti dəyişmir, çünki ata yenə fikirləri ilə baş-başa qalır, uşaqlar isə tək buraxılır.

Nəzarətsiz qalan bacı-qardaş vaxtlarını hədər keçirməmək üçün maraqlı bir iş tapırlar. Onlar bu gölün dibində əfsanəvi bir bədheybətin yaşaması barədə yerli rəvayəti araşdırmağa başlayırlar. Çox keçmir ki, əsl möcüzələrin Cekin axtardığı yerdən tamam fərqli bir aləmdə gizləndiyi üzə çıxır.

Sehrli göl (Magic in the Water) filmi 1995-ci ildə Kanada istehsalı olaraq ekranlara çıxıb. Fantaziya və macəra janrında olan bu ekran əsərinin rejissoru Rik Stivensondur, əsas rolları Teril Roteri, Qarret Bennett, Devid Raş və Uill Sasso ifa edirlər.