Andlı dostlar

Yeniyetmələr arasındakı münasibətlər bəzən ən yaxın dostluqdan narazılığa və incikliyə doğru çox sürətlə dəyişir. «Frenemies» filmi qarşılıqlı münasibətləri ciddi sınaqlardan keçən bir qrup gəncin hekayəsindən bəhs edir.

Qəhrəmanların hər biri fərqli xasiyyətə malikdir: bəziləri utancaq və təmkinli, digərləri isə iddialı, danışqan və ya qayğısızdır. Fərqliliklərinə baxmayaraq, onlar aralarındakı anlaşılmazlıqları aradan qaldırmağa və çətin vəziyyətlərdən uğurla çıxmağa çalışırlar.

Komediya və dram janrında çəkilmiş ailə filmi 2012-ci ildə ABŞ-da istehsal olunub. Rejissor Deyzi fon Şerler Mayerin ekranlaşdırdığı layihədə baş rolları Daniela Qonzalez, Bella Torn, Cessi Bostik və Dilan Everett ifa ediblər.