Dəcəl Dennis 2

Yorulmaq bilməyən balaca Dennis qonşuluqda yaşayan cənab Uilsonu yenidən təngə gətirir. Qonşusunun ad günündə qəribə bir sürpriz hazırlayan dəcəl uşaq onun çimdiyi vannaya qurbağa atır. Əslində Dennisin heç bir pis niyyəti yoxdur, sadəcə onun etdiyi zarafatlar hər dəfə belə gözlənilməz nəticələrə gətirib çıxarır.

Tezliklə qocanı aldatmaq istəyən fırıldaqçılar meydana çıxır və ona yenidən cavanlaşma vədi verirlər. Qonşusunu düşdüyü bu çətin vəziyyətdə tək qoymayan balaca qəhrəman isə cənab Uilsonu şübhəli dələduzların qurduğu tələdən qurtarmağı bacarır.

Rejissor Çarli Qenisin çəkdiyi «Dennis the Menace Strikes Again!» adlı ABŞ ailə komediyası 1998-ci ildə işıq üzü görüb. Filmin əsas rollarında Con Zarken, Luis Peres, Dvayr Braun və Betti Uayt çəkiliblər.