Bredi ailəsi

Bredi ailəsində altı uşaq böyüyür: üç qız və üç oğlan. Bu böyük ailənin bütün üzvləri olduqca mehriban, qayğıkeş və tərbiyəlidir. Lakin tamahkar cənab Ditmayrın çalışdığı şirkət ticarət mərkəzi tikmək üçün məhəllədəki bütün sahələri almaq qərarına gəldikdə onların rahatlığı pozulur.

Bütün qonşulardan fərqli olaraq, Bredi ailəsi öz evlərini satmaqdan imtina edir. Tezliklə ödənməmiş vergi borclarına görə mülkün hərracda satılmaq təhlükəsi yaranır. Evi əldən vermək istəməyən uşaqlar vəziyyəti xilas etmək üçün təcili surətdə iyirmi min dollar toplamaq qərarına gəlirlər.

ABŞ istehsalı olan «Bredi ailəsi» («The Brady Bunch Movie») komediya filmi 1995-ci ildə rejissor Betti Tomas tərəfindən çəkilib. Əsas rolları Cennifer Eliz Koks, Cek Nouzuorti, Marissa Ribizi və Temmi Taunsend canlandırıblar.