Zoluşka

Zəhmətkeş və xeyirxah bir gənc qız daşürəkli ögey anası ilə ərköyün bacılarının zülmü altında yaşayır. Evin bütün ağır işləri onun çiynindədir, ailənin digər üzvləri isə krallıqda təşkil olunacaq möhtəşəm saray mərasiminə hazırlaşmaqla məşğuldur.

Bütün çətinliklərə baxmayaraq, baş qəhrəman da həmin şənliyə getməyi çox arzulayır, lakin qohumları ona icazə vermir. Çarəsiz qalan qızın imdadına gözlənilmədən gələn sehirbaz pəri yetişir.

SSRİ istehsalı olan «Zoluşka» filmi 1947-ci ildə rejissorlar Nadejda Koşeverova və Mixail Şapiro tərəfindən ekranlaşdırılıb. Baş rolları Yanina Jeymo, Aleksey Konsovski, Erast Qarin və Faina Ranevskaya canlandırıb.