Evoklar: Endor uğrunda döyüş

Quldurlar ordusunun hücumu nəticəsində balaca Sindel valideynlərini və qardaşını itirir. Yad planetdə tək qalan qızcığazın yanında yalnız sadiq dostu Balaca Evok qalır. Düşmən qüvvələrinə isə amansız kral Terak və cadugər Çaral başçılıq edir.

Qaçqın düşən dostlara zahirən qaraqabaq, lakin əslində xeyirxax olan qoca bir tərki-dünya sığınacaq verir. Yaşlı adam kimsəsiz qıza və onun tük basmış yoldaşına kömək əlini uzadır. Onlar birləşərək Sindelin ailəsini məhv edən bədxahlara qarşı mübarizəyə qoşulurlar.

1985-ci il istehsalı olan «Ewoks: The Battle for Endor» filmini Cim Uit və Ken Uit ərsəyə gətiriblər. ABŞ istehsalı olan bu fantastik macəra lenti Star Wars: Ewok Adventures franşizasına daxildir. Baş rolları Sidni Uolker, Ken Qrenthem, Şan Fillips və Niki Botelo canlandırıblar.