Gənc cadugər Sabrina

On altı yaşı tamam olan Sabrina ailəsindən miras qalan sehrbazlıq bacarığını kəşf edir. Yeni məktəbə keçən qız qəfil qazandığı cadu gücündən dərhal yararlanmağa başlayır. Sehrin köməyi ilə o, idmanda və dərslərdə önə çıxır, həmçinin sinfin ən populyar oğlanının diqqətini çəkərək onun lovğa sevgilisi Ketini arxa plana atır.

Lakin sehrlə ehtiyatsız davranmaq gözlənilməz fəsadlar törədir. Məktəb balında yaşanan uğursuzluq, yeganə rəfiqəsi ilə münasibətlərin pozulması və ona səmimi hisslər bəsləyən utancaq oğlanın gözdən qaçması vəziyyəti çətinləşdirir. Qohumları Sabrinanın gələcəyindən narahat olur, müəllim cənab Dinql isə yeni şagirdin qəribə hərəkətlərindən şübhələnir.

«Sabrina the Teenage Witch» filmi 1996-cı ildə rejissor Tibor Takaç tərəfindən çəkilib. ABŞ, Kanada və Macarıstanın birgə istehsalı olan ailəvi komediyada baş rolları Melissa Joan Hart, Kori Çetirbok, Şarlin Fernets və Ki Vonq canlandırır.