First Kid

Mühafizəçi Sem Simmsə olduqca məsuliyyətli bir tapşırıq verilir. O, ABŞ prezidentinin oğlunun təhlükəsizliyini qorumaqla vəzifələndirilir. Parlaq qalstukları sevən bu xeyirxah və cüssəli mühafizəçi ilə zahirən təkəbbürlü görünən, əslində isə tənhalıqdan əziyyət çəkən oğlan arasında ünsiyyət yaranır.

Zaman keçdikcə onların arasındakı münasibət möhkəm dostluğa çevrilir. Sem prezidentin oğluna boks fəndlərini öyrədir və ona həmyaşıdları ilə dost tapmaqda dəstək olur. Beləliklə, fərqli xarakterə malik iki insan bir-birini anlamağa başlayır.

1996-cı il istehsalı olan «First Kid» adlı ailəvi komediya filminin rejissoru Devid M. Evansdır. ABŞ istehsalı olan bu ekran əsərində Petsi Qreydi Abrams, Zakari Tay Brayan, Liza Aykhorn və Bleyk Boyd kimi aktyorlar çəkiliblər.