Mənim dostum Barri

İsveçrənin qarlı dağ zirvələri arasında yerləşən sığınacaqda on iki yaşlı Qeorq tək qalır. Günlərin birində o, köməksiz və zəif bir senbernar küçüyü tapır. Balacanı xilas etməyə qərar verən uşaq heç kimə bildirmədən ona gizlicə qulluq etməyə və bəsləməyə başlayır.

Barri adlandırılan bu köpəklə Qeorq arasında qısa müddətdə sarsılmaz bir bağ yaranır. Lakin ətrafdakı insanlar onları bir-birindən ayırmağa cəhd göstərirlər. Belə olan halda oğlan sadiq dostunu qorumaq üçün hər şeyi gözə alaraq böyük riskə getmək məcburiyyətində qalır.

«Mənim dostum Barri» (Mein Freund Barry) adlı ailəvi filmin rejissoru Markus Velterdir. Almaniya və İsveçrə birgə istehsalı olan ekran işində əsas rolları Pako fon Uayss, Alma Büxenbaxer, Maks Xubaxer və Kristof Qauqler canlandırıb.