Deril

Gənc ər-arvad meşədə tapılmış balaca bir oğlanı övladlığa götürür. Uşaq keçmişi barədə heç nə xatırlamasa da, qeyri-adi bacarıqları ilə hamını heyrətləndirir. O, bir neçə dəqiqəyə pianoda ifa etməyi öyrənir, dərslərdə yüksək bilik nümayiş etdirir və beysbol oyununda peşəkarları belə geridə qoyur.

Uşağın həddindən artıq qüsursuz olması valideynlərdə müəyyən şübhələr yaradır. Çox keçmir ki, bu qabiliyyətlərin sirri açılır: Deril əslində gizli hərbi bazadan qaçırılmış təkmil bir androiddir.

«D.A.R.Y.L.» adlı bu elmi-fantastik ailə filmi rejissor Saymon Uinser tərəfindən çəkilib. ABŞ və Böyük Britaniyanın birgə istehsalı olan ekran əsəri 1985-ci ildə işıq üzü görüb. Əsas rolları Pol Dərbi, Ron Frezier, Hardi Roulz və Denni Korkill canlandırıb.