Xəzinə adası uğrunda döyüş

1850-ci ildə gənc dənizçi Haakon Haakonsen adi bir dəniz səyahətinə yola düşür. Səfərin əvvəlində gəmidə şübhəli hadisələrin baş verdiyini hiss edən gəncin narahatlığı tezliklə təsdiqini tapır. Dəniz qulduru olduğu üzə çıxan leytenant Merrik digər quldurlarla birlikdə üsyan qaldıraraq gəmini ələ keçirir.

Lakin gözlənilmədən başlayan fırtına hər şeyi alt-üst edir. Təbii fəlakət nəticəsində Haakon quldurlardan ayrı düşür və dalğalar onu kimsəsiz bir adanın sahilinə atır. Tezliklə aydın olur ki, dəniz quldurları qarət etdikləri sərvətləri məhz bu torpaqda gizlədirlər və yeniyetmə quldurlarla yenidən üz-üzə gəlmək məcburiyyətində qalır.

«Xəzinə adası uğrunda döyüş» adlı ailəvi macəra filmi 1990-cı ildə ABŞ, Norveç və İsveç kinematoqrafçıları tərəfindən çəkilib. Ekran əsərinin quruluşçu rejissoru Nils Göupdur, baş rollarda isə Stian Smestad, Qay Fiten, Trond Peter Ştamse Mynx və Kjell Stormoen çəkiliblər.