Mən günahkar deyiləm

On bir yaşlı Martin pis niyyətli uşaq deyil, lakin başladığı hər bir iş nədənsə gözlənilməz qarışıqlıqla nəticələnir. Dostu Vinsentin valideynləri yay tətilində Martini "Nautilus" mehmanxanasına qonaq çağırırlar. Burada uşaqlar üçün ən cəlbedici yer budaqlarında gizli daxması olan üç yüz illik nəhəng ağacdır.

Lakin dinc günlər uzun çəkmir, çünki yaxınlıqda uşaq düşərgəsi fəaliyyətə başlayır. Düşərgənin sakinləri bu xüsusi sığınacağı ələ keçirmək qərarına gəlirlər. Beləliklə, sirli ağacı qorumaq istəyən dostlarla yeni gələnlər arasında əsl mübarizə başlayır.

"C'est pas ma faute!" adlı bu ailəvi fransız komediyasını rejissor Jak Monne çəkib. 1999-cu ildə təqdim olunan filmin baş rollarında Culian Qutierrez, Jerom Hardley, Vensan Solinyak və Frensin Olivye yer alıblar.