Çita

Amerikalı alimlər yarımillik tədqiqat aparmaq üçün Keniyaya yola düşür və uşaqlarını da özləri ilə aparırlar. Valideynlər işlə məşğul olarkən, bacı və qardaş kimsəsiz qalmış kiçik bir çita balasını böyütməyə başlayırlar. Vəhşi pişik böyüdükcə uşaqlar anlayırlar ki, onu təbiətə buraxmaq, ov etməyə və azad yaşamağa alışdırmaq lazımdır.

Lakin heyvanı sərbəst buraxmaq cəhdi uğursuzluqla nəticələnir, çünki o, brakonyerlərin qurduğu tələyə düşür. Qanunsuz ovçular çitanı tazılarla yarışdırmaq üçün qaçış meydanında istifadə etmək niyyətindədirlər. Təhlükə barədə xəbər tutan uşaqlar yerli gənc çoban dostları ilə birləşərək sevimli heyvanlarını xilas etmək qərarına gəlirlər.

1989-cu ildə ABŞ-da istehsal olunmuş «Çita» macəra filminin rejissoru Ceff Blitdir. Baş rolları Lüsi Dikins, Kollin Motupi, Konqa Mbandu və Ka Vundla canlandırıblar.