Ulduz skautu

Tiranofusların qəfil hücumuna məruz qalan Treklinz planeti işğalçıların nəzarəti altına keçir. Yerli alimlər xalqı məhvdən qurtarmaq üçün xüsusi kiber-döyüşçü hazırlasalar da, onu döyüşə cəlb etməyə gecikirlər. Düşmənin bu texnologiyanı ələ keçirməməsi üçün yeganə robot Yer kürəsinə göndərilir və burada onu yeniyetmə bir oğlan tapır.

Uşaq yadplanetli mexanizmə yeni şəraitə alışmağa və güc toplamağa kömək edir. Lakin amansız yadplanetlilər kiberin izini itirmir və tezliklə Yerdə peyda olurlar. Kosmosda başlayan qarşıdurma artıq bəşəriyyətin yaşadığı dünyada davam edir.

1997-ci ildə ABŞ-da istehsal olunmuş «Star Kid» filminin rejissoru Mənni Kotodur. Ekran əsərində əsas rolları Cek Makqi, Deyna Prays, Terri Kastillo və Denni Masterson canlandırıb.