Flipper

Yeniyetmə oğlan yayı keçirmək üçün uzaq bir adada yaşayan dayısının yanına gəlir, lakin bu səfər onu heç sevindirmir. Şəhərdəki dostları və sevdiyi rok musiqisi geridə qalıb, şam yeməyində isə hər gün yalnız makaron verilir. Ətrafda baş qatmağa heç nə tapmayan oğlan üçün buradakı günlər darıxdırıcı görünür.

Tezliklə o, adada yaşayan sevimli bir qızla tanış olur və əhvalı dəyişməyə başlayır. Balıq ovu zamanı isə oğlan Flipper adlı delfini ölümdən xilas edir. Ağıllı dəniz sakini ona qısa zamanda bağlanır və onlar arasında möhkəm dostluq yaranır.

«Flipper» adlı macəra filmi 1996-cı ildə ABŞ-da istehsal olunub. Ekran əsərinin rejissoru Alan Şapirodur. Baş rolları Elayca Vud, Ayzek Heyz, Kortni Braun və Enn Keri canlandırıblar.