Robin və Hudlar

On bir yaşlı Robin və onun yaxın dostları meşə kənarındakı kolluq sahəni xəyali və sehirli bir krallığa çevirirlər. Lakin tamahkar böyüklər həmin ərazidəki yaşıllığı məhv edərək yerində müasir yaşayış kompleksi tikmək qərarına gəldikdə uşaqların bu əziz məkanı təhlükə altına düşür.

Balacaların bütün etirazları və narazılıqları böyüklər tərəfindən cavabsız qalır və heç kim onları dinləmir. Nağıl dünyalarını birdəfəlik itirmək istəməyən Robin və yoldaşları təşəbbüsü öz əllərinə alaraq krallıqlarını qorumaq üçün hərəkətə keçirlər.

«Robin and the Hoods» adlı ailəvi macəra və fentezi filminin rejissoru Filip Houkinsdir. Böyük Britaniya və İrlandiya istehsalı olan bu 2024-cü il ekran əsərində əsas rolları Bruno Edqinqton-Qibson, Qloriya İsikava, Lukas Uelborn və Marni Cey Mur canlandırır.