Delfin əhvalatı 2

İlk filmdəki hadisələrin üzərindən bir neçə il ötür. Dəniz hospitalında kədərli anlar yaşanır: uzun müddət Uinterə qayğı göstərən Panama adlı qoca dişi delfin tələf olur. Tək qalan Uinter üçün bu vəziyyət gözlənilməz hüquqi çətinliklər yaradır.

ABŞ-ın qüvvədə olan qaydalarına görə, sosial dəniz canlılarının tək saxlanılması qadağandır. Uinterin başqa bir akvariuma köçürülməsinin qarşısını almaq üçün mərkəzin əməkdaşları ona təcili şəkildə yeni bir yoldaş tapmalıdırlar.

2014-cü ildə təqdim olunan «Dolphin Tale 2» ailəvi dram filminin rejissoru Çarlz Martin Smitdir. Baş rolları Neytan Qembl, Kozi Tsülsdorf, Harri Konnik kiçik və Eşli Cadd canlandırıb. ABŞ istehsalı olan bu ekran əsəri ilk filmin hekayəsini davam etdirir.