Milad dəyiş-düyüşü

On bir yaşlı Robbi Teylor anasını itirdikdən sonra Los-Ancelesdə atası ilə birlikdə qalır. Daşınmaz əmlak üzrə ixtisaslaşmış hüquq şirkətində çalışan ata ailə rifahını yalnız pulla ölçür. Məktəbdə çətinliklərlə üzləşən və ev heyvanı saxlamaq istəyən Robbinin isə xoşbəxtlik haqqında təsəvvürləri tamamilə başqadır.

Milad ərəfəsində baş verən gözlənilməz hadisə ata ilə oğulun həyatını alt-üst edir. Qəhrəmanlar sözün əsl mənasında bir-birlərinin bədəninə keçərək yerlərini dəyişirlər. Bu vəziyyət onların hər birinə qarşı tərəfin dünyasına onun gözləri ilə baxmaq imkanı yaradır.

ABŞ istehsalı olan «Christmas Trade» komediya filmi rejissor Coel Sousa tərəfindən 2015-ci ildə çəkilib. Ekran əsərində baş rolları Maykl R. Barnard, Daq Biliç, Brent Haff və Dezri Abeyta canlandırıb.