Küçə rəqsləri 3: Bütün ulduzlar

Fəal və enerjili İtan yerli gənclər klubunun bağlanmasının qarşısını almaq üçün hərəkətə keçir. O, məkanı xilas etməyin yeganə yolunu küçə rəqsləri üzrə keçirilən yarışmada qələbə qazanmaqda görür. Məqsədinə çatmaq üçün o, qabiliyyətli rəqqaslar axtarmağa başlayır.

İtan peşəkar, lakin təvazökar küçə rəqqası Ceydenlə güclərini birləşdirir. Tamamilə fərqli xarakterə malik bu iki oğlan komanda formalaşdıraraq turnirə hazırlaşmalıdır. Qarşıdakı çempionatda qalib gəlmək sevimli klubun fəaliyyətini davam etdirməsi üçün vacib şərtdir.

«All Stars» («Küçə rəqsləri 3: Bütün ulduzlar») ailəvi komediyasını rejissor Ben Qreqor lentə alıb. Böyük Britaniya və Almaniya istehsalı olan bu film 2013-cü ildə işıq üzü görüb. Ekran əsərində əsas rolları Teo Stivenson, Ceyvan Hilton, Qas Braun və Eşli Volters canlandırıb.