Robosapien: Yenidən Yüklənmə

İstedadlı kibernetik alim süni intellekti xeyirxah məqsədlər üçün hazırlasa da, qüdrətli bir korporasiya bu texnologiyanı silaha çevirmək qərarına gəlir. Öz ixtirasının hərbi məqsədlərlə istifadəsinə qarşı çıxan alim Tobi adlı robotu şirkətdən qaçırır. Lakin baş verən xoşagəlməz hadisələr və nasazlıqlar nəticəsində balaca robot itir.

Zədələnmiş mexanizmi tək ana tərəfindən böyüdülən on bir yaşlı məktəbli tapır və onu yenidən işlək vəziyyətə gətirir. Beləliklə, uşaqla robot arasında möhkəm dostluq yaranır. Təhlükə qapını döydükdə isə bu cütlük həbs təhlükəsi ilə üzləşən alimi və ananı xilas etmək üçün hərəkətə keçir.

ABŞ istehsalı olan «Robosapien: Rebooted» fantastik ailə filmi 2013-cü ildə rejissor Şon Maknamara tərəfindən çəkilib. Ekran əsərində baş rolları Sintiya LeBlan, Cey Oliver, Allen Badriks və Kerol Satton canlandırıblar.